ಹೆಜ್ಜೆಗಳು

(ಈ ಕವಿತೆಗೆ ಸ್ಪೂರ್ತಿ ಕಪ್ಪು-ಬಿಳುಪು ಬ್ಲಾಗಿನಲ್ಲಿದ್ದ ಈ ಕೆಳಗಿನ ಸುಂದರವಾದ ಚಿತ್ರ. ಈ ಚಿತ್ರ ಬಳಸಲು ಅನುಮತಿಸಿದ್ದಕ್ಕೆ ನನ್ನ ಧನ್ಯವಾದಗಳು.)

ಹೆಜ್ಜೆಗಳು

ಪಸೆಯಾರದ ಮರಳಿನೊಳು ಬೆರೆತು

ಒಂದಾಗಿ ಹುದುಗಿಯೂ ಅಡಗಿ ಅಳಿಸದೆ

ಹಸಿಯಾದ ಮನದೊಳು ಮೂಡಿದ ಭಾವದಂತೆ

ಹಸನಾಗಿ ಮೂಡಿವೆ ಯಾರ ಹೆಜ್ಜೆಗಳು?

------

ನಲುಗೆವು ಆರ ಕಾಲ್ತುಳಿತಕೂ

ಹರಡೆವು ಹೊಡೆವ ಗಾಳಿಗೂ

ಮಾಸೆವು ತೆರೆಗಳಾರ್ಭಟಕೂ

ಎನ್ನುತಿವೆ ಯಾರ ಪಾದುಕೆಗಳು?!

------

ಒಂದೆಂದರೆ ನಾ ಒಂಟಿ

ಎರಡಾದರೆ ನಾವ್ ಜಂಟಿ

ಒಂದಾದ ಮೇಲೊಂದರಂತೆ ಹುಟ್ಟಿ

ಸಾಗುವೆವು ನಮ್ಮ ಗುರುತನಿಟ್ಟಿ