ಅಲೆಯೇನೋ ಕರೆಯ ಬಂದಿತ್ತು
ನಿನ್ನರಮನೇಗೇ ನನ್ನ
ತಿಳಿಯದೇ ಹೋಯಿತು ನೋಡ
ಒಳಗಣ ಮೊರೆತದಬ್ಬರದೊಳಗೆ.....
ಮರಗಟ್ಟಿದ ಪಾದಗಳನೆಬ್ಬಿಸಲು
ಬೆಳ್ನೊರೆಗಳೇನೋ ತಂದಿದ್ದವು ತೆರೆ ಹೆಡೆಗಳನ್ನೇ....
ಮರಳುಗಳಿಗೇ ಮರುಳಾದ ಪಾದಗಳು
ಹೂತು ಹೋದವು ಮರಮರಳಿ ಅದರೊಳಗೇ!
ಕರೆಯೊಳಗಿನ ಚುಂಬಕ ಶಕ್ತಿಯ ನಿನಾದ,
ಮೊಳಗುತಿದೆ ಅಣು ಅಣುವಿನೊಳಗೂ...
ದಡಕಂಟಿದ ಈ ದೇಹವ ನಾನದೆಂತು ಒಪ್ಪಿಸಲಿ?
ಶರಣಾಗತಿಗಿನ್ನೂ ಗಡುವು ಮೀರದಿರಲು!
-ತೇಜಸ್ವಿನಿ
1 ಕಾಮೆಂಟ್:
ತುಂಬಾ ತುಂಬಾ ಇಷ್ಟವಾಯಿತು ತೇಜು.
ಕಾಮೆಂಟ್ ಪೋಸ್ಟ್ ಮಾಡಿ