ಇಂಚಿಂಚಾಗಿ ತಿಂದು ತೇಗಿ ಉಗುಳಿಹೋದ,
ಅರ್ಧ ಚಂದ್ರನಂತೆ, ನೀನಿಲ್ಲದ ಹೊತ್ತು.....
ಮಿನುಗುವ ತಾರೆಗಳಿಗೆ ಮಂಕುಬೂದಿಯನೆರಚಿ
ತನ್ನೊಳಗೆ ಮರೆಮಾಚಿ ಬೀಗಿ ನಗುವ,
ಕರಿಮೋಡದಂತೆ, ನೀನಿಲ್ಲದ ಹೊತ್ತು....
ಅದೆಲ್ಲೋ ಇಹುದಂತೆ ಸತ್ತ ಸಾಗರವೊಂದು
ಆ ಕಡಲನ್ನೇ ಕಣ್ಗಳೊಳಗೆ ತುಂಬಿ,
ಜೀವರಸ ಹೀರಿದಂತೆ, ನೀನಿಲ್ಲದ ಹೊತ್ತು....
ಕೊರೆವ ಚಳಿಗೆ ಮರಗಟ್ಟಿದ್ದ ಕೈಗಳಿಗೆ
ಮಂಜುಗಡ್ಡೆಯನುಜ್ಜಿ, ತೀಡಿ
ಬಿಸಿಯನೆಬ್ಬಿಸಲೆತ್ನಿಸಿದಂತೆ, ನೀನಿಲ್ಲದ ಹೊತ್ತು....
ಹೊತ್ತಲ್ಲದ ಹೊತ್ತಿನಲಿ, ಧುತ್ತೆಂದು ನುಗ್ಗುವ
ಒಲ್ಲದ ಯೋಚನೆಗಳಿಗೆ, ಸಲ್ಲದ ಸ್ಥಾನವ ಕೊಟ್ಟು
ಹಗಲಿರುಳೂ ಕೊರಗುತಿಹೆ, ನೀನಿಲ್ಲದ ಹೊತ್ತು....
ಆ ಸೂರ್ಯ, ಚಂದ್ರರರನೇ ಕೈಗಿತ್ತರೂ
ಮಿನುಗು ತಾರೆಗಳನೇ ಮುಡಿಗಿಟ್ಟರೂ
ಬೆಳಕಿಲ್ಲ ಮನದೊಳಗೆ, ನೀನಿಲ್ಲದ ಹೊತ್ತು....
ಚಿತ್ರಕೃಪೆ : [www.tabathayeatts.com/artthursday.htm]
- ತೇಜಸ್ವಿನಿ ಹೆಗಡೆ
25 ಕಾಮೆಂಟ್‌ಗಳು:
ತು೦ಬ ಚೆನ್ನಾಗಿದೆ
ನೀನಿಲ್ಲದಾ ಹೊತ್ತು..
ಕೊರೆವ ಚಳಿಗೆ ಮರಗಟ್ಟಿದ್ದ ಕೈಗಳಿಗೆ
ಮಂಜುಗಡ್ಡೆಯನುಜ್ಜಿ, ತೀಡಿ
ಬಿಸಿಯನೆಬ್ಬಿಸಲೆತ್ನಿಸಿದಂತೆ, ನೀನಿಲ್ಲದ ಹೊತ್ತು....
ಈ ಸಾಲುಗಳು ಬಹಳ ಹಿಡಿಸಿದವು..ಮಂಜುಗಡ್ಡೆಯನುಜ್ಜಿ ಬಿಸಿಯನೆಬ್ಬಿಸುವ
ವಿರೋಧಾಭಾಸ ಮೇಲ್ನೋಟಕ್ಕೆ ..ಆದರೆ ಬಹು ಅರ್ಥಗರ್ಭಿತ ಶಬ್ದ ಪ್ರಯೋಗ.....ತೇಜಸ್ವಿನಿ ಎಂದಿನಂತೆ...ಪರಾಕ್..ಬಹು ಪರಾಕ್..
superb
ಅಕ್ಕಾ.........
ವ್ವಾ........!
ಎಷ್ಟೊಂದು ಚೆನ್ನಾಗಿದೆ ನಿಮ್ಮ ಕವನ!
ಅದ್ಭುತ ಪದಗಳ ಜೋಡಣೆ!
ಸುಂದರ ಕವನ!
'ನೀನಿಲ್ಲದ ಹೊತ್ತು',ಕವನ ಚೆನ್ನಾಗಿತ್ತು.
ಪದ ಸಂಯೋಜನೆ, ಭಾವ, ತುಂಬ ಇಷ್ಟವಾಯಿತು.
ತುಂಬಾ ಚೆನ್ನಾಗಿ ಮೂಡಿ ಬಂದಿದೆ...good one..
"ನೀನಿಲ್ಲದಾ ಹೊತ್ತು..
ಕೊರೆವ ಚಳಿಗೆ ಮರಗಟ್ಟಿದ್ದ ಕೈಗಳಿಗೆ ...." ಸಾಲುಗಳು ತುಂಬಾ ಇಷ್ಟವಾದವು
ನೀನಿಲ್ಲದ ಹೊತ್ತು..ನಾನ್ ಹೇಗಿರುವೇನೋ ಆ ದೇವರಿಗೇ ಗೊತ್ತು..
ತುಂಬಾ ತುಂಬಾ ಚೆನ್ನಾಗಿದೆ ನೀನಿಲ್ಲದ ಹೊತ್ತು.
ನಿಮ್ಮವ,
ರಾಘು.
neenillada hottu.....mana mttuva hagide........really very nice....
Prem.
tejakka,
sooper kavana..:)
ಒಂದು ಸಾರಿ ಭಾವಂಗೆ ಓದಲೆ ಹೇಳಕಿತ್ತು ..;)
he may be very happy... :)
ಆಹಾ.. ತುಂಬಾ ಚಂದದ ಕವನ !
ತೇಜಸ್ವಿನಿ ಮೇಡಮ್,
ನೀನಿಲ್ಲದ ಹೊತ್ತು ಕೊರೆವ ಚಳಿಗೆ ಮರಗಟ್ಟಿದ್ದ ಕೈಗಳು....ಮಂಜುಗಡ್ಡೆಯನುಜ್ಜಿ, ತೀಡಿ
ಬಿಸಿಯನೆಬ್ಬಿಸಲೆತ್ನಿಸಿದಂತೆ, ನೀನಿಲ್ಲದ ಹೊತ್ತು....
ಸೊಗಸಾದ ಕಲ್ಪನೆಗೆ ಕವನದ ರೂಪಕೊಟ್ಟಿದ್ದೀರಿ...
ತುಂಬಾ ಚೆನ್ನಾಗಿದೆ.
ತೇಜೂ ,
ಸುಂದರ , ಅರ್ಥಪೂರ್ಣ ಕವನ .
" ಆ ಸೂರ್ಯ, ಚಂದ್ರರರನೇ ಕೈಗಿತ್ತರೂ
ಮಿನುಗು ತಾರೆಗಳನೇ ಮುಡಿಗಿಟ್ಟರೂ
ಬೆಳಕಿಲ್ಲ ಮನದೊಳಗೆ, ನೀನಿಲ್ಲದ ಹೊತ್ತು...."
ತುಂಬಾ ಇಷ್ಟವಾಯ್ತು.
ತೇಜಸ್ವಿನಿ, ನಿಮ್ಮ ಕಲ್ಪನೆ ತುಂಬ ಚೆನ್ನಾಗಿದೆ. ಪ್ರತಿ ಪದವೂ ಸಹ ತುಂಬ ಭಾವುಕವಾಗಿತ್ತು. ಮನ ಮುಟ್ಟುವಂತ ಕವನ!!
wonderful:))
ಸೂಪರ್ ಕವನ....
wav...super agiddu..
ತುಂಬ ಸುಂದರವಾದ ಕವನ. ‘ನೀನಿರುವ ಹೊತ್ತು’ ಎನ್ನುವ ಕವನವೂ ಬರಲಿ ಎನ್ನುವದು ನನ್ನ ಅಪೇಕ್ಷೆ.
ಅದೆಲ್ಲೋ ಇಹುದಂತೆ ಸತ್ತ ಸಾಗರವೊಂದು
ಆ ಕಡಲನ್ನೇ ಕಣ್ಗಳೊಳಗೆ ತುಂಬಿ,
ಜೀವರಸ ಹೀರಿದಂತೆ, ನೀನಿಲ್ಲದ ಹೊತ್ತು....
ಕವಿತೆಯನ್ನು ಪೂರ್ತಿಯಾಗಿ ಓದಿಸುವ ಶಕ್ತಿ ನಿಮ್ಮ ಶೈಲಿಯಲ್ಲೇ ಅಡಗಿದೆ.
keep it up
ಮೆಚ್ಚುಗೆಭರಿತ ಪ್ರತಿಕ್ರಿಯೆಗಳ ಮೂಲಕ ಪ್ರೋತ್ಸಾಹಿಸಿದ ಎಲ್ಲರಿಗೂ ತುಂಬಾ ಧನ್ಯವಾದಗಳು. ಮಾನಸ ಕೆಲ ಸಮಯದವರೆಗೆ ಮರೆಯಾಗುತ್ತಿದೆ. ಹೊಸ ಯೋಚನೆ, ಹೊಸ ಭಾವನೆಗಳನ್ನು ಹೊತ್ತು ಮತ್ತೆ ಬಹುಬೇಗ ಬರುವ ನಿರೀಕ್ಷೆಯೊಂದಿಗೆ...........
ತೇಜಸ್ವಿನಿ ಹೆಗಡೆ.
@ದಿವ್ಯ,
ಕೆಲವರಿಗೆ ಕವನಗಳೆಂದರೆ ಕಬ್ಬಿಣದ ಕಡಲೆ :) ಆ ಸಾಲಿಗೆ ನನ್ನವರೂ ಸೇರುತ್ತಾರೆ :ಡ್
@ಕಾಕಾ,
ನನ್ನ ಕವನಕ್ಕಿಂತ ನಿಮ್ಮ ಪ್ರತಿಕ್ರಿಯೆ ತುಂಬಾ ಇಷ್ಟವಾಯಿತು ನನಗೆ. ಆ ಹೊತ್ತಿನ ಕವನದಾಗಮನವೂ ಬಹುಬೇಗ ಮಾನಸದಲ್ಲಿ ಮೂಡುವುದು :)
ನೀನಿಲ್ಲದ ಹೊತ್ತು
ಅದ ಕಳೆದವ ನನಗೆ ಗೊತ್ತು.! :)
ತುಂಬಾನೇ ಚೆನ್ನಾಗಿದೆ..
ತೇಜಸ್ವಿನಿ
ಮತ್ತೊಂದು ಸುಂದರ ಕವಿತೆ
ತುಂಬಾ ಚೆನ್ನಾಗಿದೆ
nimm neerikhshe bahal chennagide..
ಅಕ್ಕಯ್ಯ...ಎಲ್ಲಿ ಮರೆಯಾಗಿ ಹೋಗುವೆ...ಅಮ್ಮನೂರಿಗಾ?
ಬೇಗ ಬಂದು ಬರೆಯಕೆ ಶುರು ಹಚ್ಚಿ. ಕವನ ತುಂಬಾ ಚೆನ್ನಾಗಿದೆ
ತುಂಬ ಇಷ್ಟವಾಯ್ತು...ನಿಮ್ಮ ಸಾಲು...
ಕಾಮೆಂಟ್‌ ಪೋಸ್ಟ್ ಮಾಡಿ